Reykjanesbær
Félagsstarf í Keflavíkurkirkju veturinn '24-´'25.
Félagsstarf í Keflavíkurkirkju veturinn '24-´'25.
0-12 ára. Sunnudagaskólinn í Keflavíkurkirkju hefst að jöfnuðu sunnudaginn eftir Ljósanótt og er alla sunnudaga kl. 11 yfir vetrarmánuðina. Lögð er áhersla á samfellu og stöðugleika í starfinu en enginn sunnudagur fellur úr að vetri. Undantekning frá þessu er fyrsti sunnudagur í janúar en þá er frí. Umsjón með sunnudagaskóla hafa Helga Sveinsdóttir og Alexander Grybos ásamt prestum.
7-11 ára. Regnbogaraddir Keflavíkurkirkju. Vikulegt kórastarf er fyrir börn í 2.-6. bekk. Starfið fer fram í Kirkjulundi alla sunnudaga yfir vetrarmánuði frá kl. 12:00-13:00. Stjórnendur eru Arnór Vilbergsson organisti og Freydís Kneif Kolbeinsdóttir.
11-16. ára. Himinn & jörð. Er ungmennakór í Keflavíkurkirkju. Æft er alla sunnudaga frá kl. 13:00-14:00 í Kirkjulundi. Stjórnendur eru Arnór Vilbergsson organisti og Freydís Kneif Kolbeinsdóttir.
16+. Kór Keflavíkurkirkju. Kórinn annast söng við messur og aðrar kristilegar athafnir í Keflavíkurkirkju en er jafnframt athafnakór sem hefur vakið athygli og viðurkenningu fyrir fjölbreytt framlag sitt til menningar í sveitarfélaginu. Æfingar á miðvikudagskvöldum frá kl. 18:00-20:00. Stjórnandi er Arnór Vilbergsson organisti.
16+. Æðruleysismessur. Æðruleysismessur eru haldnar fyrsta miðvikudag í hverjum mánuði kl.20.00 yfir vetrartímann. Vitnisburður, tónlist og samvera.
16+. Himnavoðir í Keflavíkurkirkju. Himnavoðir er hópur hannyrðakvenna sem vilja láta gott af sér leiða og eiga um leið góða og nærandi stund alla miðvikudaga í Keflavíkurkirkju kl. 10. Hópurinn mun vinna að margvíslegum verkefnum. Himnavoðir byggja á þeirri hugsjón að verkefnin sem unnin verða séu til blessunar, bæði þeim sem gefa og þiggja.
16+. Fyrirbænahópur í Keflavíkurkirkju. Hittist á tveggja vikna fresti yfir vetrarmánuðina á þriðjudögum frá kl. 17:30-18:30. Þar eru fyrirbænaefni frá prestum, djákna og öðrum sem þess óska tekin fyrir.
16+. Kyrrðarbæn. Kl. 12:00 – 13:00 á mánudögum er kyrrðarbæn í Kapellu vonarinnar þar sem setið er saman og farið með hugleiðingu og þögulla bæn og þannig leitar hver og einn inn á við.
Eldri borgarar. Eldey kór eldri borgara sem er samfélag þroskaðra einstaklinga sem hafa gaman af söng. Æfingar eru á þriðjudögum kl 16:00-18:00.
Eldri borgarar. Kyrrðarstundir. Á miðvikudögum eru kyrrðarstundir í Kapellu vonarinnar og hefjast þær kl.11.30. Þá safnast fólk saman til bænar og íhugunar ritningartexta. Að samveru lokinni er súpa í boði í safnaðarheimili gegn gjaldi kr. 500 á mann.
Allur aldur. Sunnudagsguðsþjónusta. Ungir sem aldnir koma saman í kirkjunni kl. 11:00 eða kl. 20:00 á sunnudögum þegar hringt er til guðsþjónustu. Nánari upplýsingar á heimasíðu kirkjunnar www.keflavikurkirkja.is Boðið er upp á fjölbreytta guðsþjónustu í bland við hina sígildu messu.