Reykjanesbær
Listasmiðja Reykjaness býður upp á fjölbreyttar listasmiðjur fyrir krakka allt skólaárið !
Listasmiðja Reykjaness býður upp á fjölbreyttar listasmiðjur fyrir krakka allt skólaárið í nýuppgerðri Listasmiðju á aðalhæð Fjörheima.
Í Listasmiðju læra nemendur að leika sér í gegnum listina og öðlast hæfileika og færni á ýmsum sviðum listarinnar. Vinnustofur okkar innihalda ýmsa skemmtun sem er í uppáhaldi krakkana eins og t.d. slímgerð, málun, teikningu, handverk, DIY leikföng og skreytingar, leiki, Tie - Dye, Oobleck, föndur, byggingu, bíódaga og fleira. Vinnustofur okkar eru í sífelldri þróun til þess að geta boðið upp á fjölbreytt úrval og enginn dagur er eins. Gerð er ný dagskrá í hverjum mánuði og reynt er að aðlaga dagskrá að nýjustu tískunni í listsköpun fyrir börn að hverju sinni.
Markmið okkar er ekki aðeins að bjóða upp á áhugavert listnám og skemmtun eftir skóla heldur einnig að efla félagsleg tengsl og vináttu meðal skapandi barna í bænum okkar í gegnum samvinnu, leik og lærdóm.
Kostnaður fyrir heilt námsár er aðeins 45.000 kr. sem er sama upphæð og frístundastyrkur Reykjanesbæjar en hægt er að nota hann til þess að greiða fyrir námið.
Við bjóðum einnig upp á haust- og vordagskrá (4 mánaða nám) á aðeins 25.000.
Allar smiðjurnar eru kenndar á íslensku, ensku og spænsku í anda fjölbreytileika bæjarins okkar.
Hægt er að skrá sig á eftirfarandi hlekk: https://www.abler.io/shop/reykjanesbaer/1
Fyrir frekari upplýsingar hafið samband við verkefnastjóra Listasmiðju í eftirfarandi tölvupósti: Omar.R.R.Guerrero@reykjanesbaer.is
Hægt er að sjá mánaðardagskrá á instagram Listasmiðju @listasmidjareykjaness eða á facebook síðu Fjörheima.
Skráning hér