Sumarfjör Listasmiðjunnar 2024

Listasmiðja Reykjanesbæjar ætlar að bjóða upp á skemmtilega sumarsmiðju í sumar fyrir listræna krakka fædda 2017-2012, Verkefnið er keyrt í samstarfi við Fjörheima Félagsmiðstöð og Vinnuskóla Reykjanesbæjar. Umsjónarmaður sumarfjörsins er bæjarlistamaðurinn og starfsmaður Fjörheima, Omar Ricardo Rondon, Hann hefur unnið með börnum í fjölmörg ár og stýrt Listasmiðju Reykjaness síðastliðin ár.

Dagskrá smiðjunnar verður mjög fjölbreytt og skemmtileg og enginn dagur eins, krakkarnir munu fara í vettvangsheimsóknir, stunda listmálun, gera slím, útileikir, málun, teikningar, föndur og allskyns sköpun af allskyns toga.

Listasmiðja Reykjanesbæjar er ekki listaskóli heldur samfélagsverkefni þar sem lagt er upp með að efla sjálfsmynd, sköpunargáfu og félagsfærni í öruggu umhverfi. Hún er hugsuð sem öruggur vettvangur fyrir listrænt þenkjandi börn til að tjá sig og sína list með jafningjum undir handleiðslu leiðbeinanda sem styður við bakið á þeim.

Verð fyrir allt sumarið (4 vikur, 4 skipti í viku, alls 16 skipti) er 25.000kr en hægt er að vera tvær vikur eða jafnvel eina viku, senda þarf netfang á leiðbeinanda varðandi verð fyrir slíkt. Email leiðbeinanda er omar.r.r.guerrero@reykjanesbaer.is

Skráning hér